夜半聲音

我又聽到…我又聽到嗰把聲…

琴晚瞓到半夜,突然,我聽到砰一聲,好似有尐野跌咗落地下咁。

我估係雜誌、書本之類,咁咪懶得理,諗住繼續瞓囉。

過咗一陣,就喺半夢半醒之間,我開始聽到尐聲…係…又係嗰把聲…

近呢個月,每隔大約三、四晚我就會聽到嗰把聲!

今次我真係忍唔住,即刻起身、打開房門,點知嗰把聲就停咗喇。

跟住,我行咗出去個廳度望吓…突然,我感覺到好似有尐野望住我,周身唔聚財咁。

當我一轉身,就有個黑影喺我面前閃過,嚇到我差點跌親!

不過,當我想望真尐嘅時候,嗰黑影已經唔見咗喇!

莫非…呢尐係痴呆症嘅病徵?定係中風嘅先兆?

今朝,我終於都忍唔住同馬超提起呢件事,諗住搵佢幫手上網睇吓,睇吓我駛唔駛入醫院做尐檢查,但係,估唔到…原來佢‧都‧聽‧到!!!

咁即係話,呢尐唔係我嘅幻覺,所有野都係真架!!!!!

發表迴響

你的電子郵件位址並不會被公開。 必要欄位標記為 *

你可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>